FONETIK ENGGAU
FONOLOGI
Jaku iya nya siti pekara ti beguna dikena
kitai berkomunikasyen enggau orang bukai. Nyema kitai enda ulih bejaku, nya tau
ngasuh kitai tusah deka berandau sereta bekunsi penemu enggau orang bukai.
Tiap-tiap raban bansa ba menua tu endang bisi ngembuan jaku Kediri empu pia
mega bansa kitai Iban. Chunto iya, ba menua Malaysia kitai mayuh ngembuan
macham jaku baka jaku Melayu, jaku India, Jaku Melanau enggau jaku ti bukai. Jaku
mega nunjukka identiti tauka bansa kitai. Kebuah pia laban ari jaku orang udah
ulih ngelala sapa kitai enggau nama bansa kitai.
Kelimpah ari nya, jaku mega siti pekara ti
bekaul bendar enggau bidang fonetik enggau fonologi. Pekara ti beguna amat
dikena kitai ngasilka munyi jaku iya nya palan artikulasyen, organ artikulasyen
enggau organ dalam tubuh. Enti sema bisi penimpang ba salah siti perengka
artikulasyen nya tadi dia iya ulih ngujungka kitai enda ulih bejaku enggau
munyi sebut ti betul tauka enggai nyadi nyebut sesebengkah leka jaku. Nitihka penemu Chemaline enggau Padang
(2011), artikulasyen iya nya ngasilka munyi jaku ngena rengka artikulasyen
tauka organ ti ngasilka munyi jaku.
Jaku Iban siti ari jaku ti bisi ngembuan
pengelebih kediri empu. Tajapan semina siti bansa tang jaku Iban ngembuan mayuh
bengkah tiun tauka munyi lebuh disadaka orang ba siti-siti menua. Taja pia,
jaku standard kitai Iban endang tetap bisi dikena kitai berandau tauka
ngerandau pangan diri enti nyema kitai datai ari menua ti bebida. Lebuh ti
bekenaka jaku standard maya kitai berandau enggau Iban ari menua bukai, nya
ulih ngasuh komunikasyen antara kitai nyadi menyana tauka menuku. Kebuah pia
laban enti nyema kitai bejaku nitihka dialek ba menua diri empu, nya ulih
ngasuh orang ari menua bukai tau enda mereti senentang utai ti dipadahka kitai.
Kitai sama bela nemu tiap-tiap menua endang bisi terminologi kediri empu
senentang siti-siti leka jaku.
Fonetik enggau fonologi ulih mantu orang ti
deka belajar senentang sesebengkah bansa jaku. Ari nya kitai ulih beratika
segmen enggau suprasegmental munyi jaku tauka penggal jaku. Kitai mega ulih
belajarka kelas pola enggau kelas munyi jaku kelimpah ari endur kitai beratika
variasyen munyi jaku. Ari nya iya ulih mantu kitai begagaka pansik senentang
bida munyi jaku ba siti-siti menua enggau munyi jaku standard ti dikena kitai.
1.0 DEFINISYEN FONETIK ENGGAU FONOLOGI
Fonetik iya nya pekara ti bekaul enggau
organ artikulasyen lalu fonologi iya nya pekara ti bekaul enggau sistem munyi. Kamus Dewan (2007), madahka fonetik iya
nya penemu senentang jaku ti bekaul enggau pengawa nyebut leka jaku sereta lambang
sebut nya. Bertil Malmberg (1968) dalam bup Manual
of Phonetics madahka fonetik bekaul enggau munyi-munyi jaku lalu ngemeratka
jaku ti disebut tang ukai pekara dalam jaku. Malmberg magi fonetik ngagai empat
pampang penemu iya nya fonetik rama (am), fonetik deskriptif, fonetik historis
(sejarah) enggau fonetik normatif.
Fonetik rama iya nya pansik senentang
pengawa ngasilka munyi-munyi sereta fungsyen kereban sebut. Pekara ke
dipansik iya nya chara munyi diasilka
enggau kereban ke bekaul enggau pengawa ngasilka munyi jaku. Fonetik
normatif iya nya pansik senentang chara
ti nentuka sebut ke betul ba sesebengkah jaku. Bisi chara nyebut ti standard ba
raban linguistik, menua, sitak menua, daya idup tauka raban sosial. Sebut ti
standard tu nyadika jaku formal ba komuniti nya. Fonetik historical iya nya
mansik senentang ubah fonetik ba sesebengkah jaku bepelasarka tusun jaku. iya
mega mansik dikena ngiga kaul antara jaku ke dipansik sereta mansik ubah ke
nyadi empas ari ubah maya. Fonetik deskriptif iya nya pansik senentang jaku
tauka dialek. Pekara ke dipansik iya nya bakani bida munyi antara jaku ke sama
ulih ngasilka dialek ti bebida.
Abdullah
Hassan (2006), dalam bup iya Linguistik Am madahka fonologi iya nya siti
bidang linguistik ti mansik munyi jaku ti diguna mensia lebuh sida bejaku.
Pansik tu dipejalaika awakka kitai ulih ngaga deskripsyen munyi sesebengkah
jaku. Deskripsyen ke disebut madahka biuh munyi jaku ti didinga tauka titik
artikulasyen sereta peti sura nyawa nya begetar tauka enda. J.D
Conor (1984), dalam bup iya Phonetics, madahka fonologi tu siti bidang
penemu linguistik ti besangkut paut enggau munyi ti diasilka mensia. Munyi ti
didinga nya rurun munyi ti suah ditemu dalam jaku raban bansa ti ngena iya.
Munyi nya tadi diseriranka enggau tukuh visual lalu digempung sereta dipeda
fungsyen iya. David Abercrombie (1971), dalam bup iya elements of General
Phonetics, madahka fonologi iya nya ngembuan tukuh teknikal lalu dalam bidang
linguistik sesebengkah jaku iya deka diperati ngena chara analitikkal. Reti
nya, kitai ukai semina ninga munyi jaku tang mega beratika mekanisme rengka
tubuh ti nyempulang jaku ti disebut nya tadi.
2.0 BIDA ENTARA SEBUT LEKA JAKU ENGGAU JAKU
STANDARD
Tajapan jaku iban sama siti bansa tang iya
bebida chara nyebut leka jaku nya laban orang tauka komuniti ti ngena jaku enda
sama bagi pelilih menua. Nitihka penemu
Zulkifley et.all ( 2006). Tiap-tiap menua endang ngembuan patah sebut ti
bebida. Bida ti baka tu tau ngenataika penusah ngagai orang ti ukai mendam ba
menua nya lebuh ti berkomunikasyen enggau diri sama diri. Sebut leka jaku ti
bebida ke bisi dalam jaku Iban nitihka pelilih menua semina orang ti nguan bagi
menua nya aja ulih meretika jaku nya.
Bepelasarka pansik ba menua Ulu Balingian,
bida sebut leka jaku dia enggau jaku standard bisi beberapa iti. Chunto iya, ba
Ulu Balingian [r] disebut sida nyadi [h] ambika chunto baka [rumah] nyadi
[humah]. [s] disebut nyadi [h] ambika chunto [pedis] nyadi [pedih]. Ukai semina
nya aja bida jaku orang ba bagi Ulu Balingian enggau jaku standard kitai Iban.
Sida mega nyebut penambah [di] nyadi [de] ambika chunto [di langkau] nyadi
[delangkau], [di ili] nyadi [dili], [di rumah] nyadi [derumah]. Enti sema sida
nyebut lumur dua enggau tiga ba randau sida, munyi iya endang bisi penambah
[men]. Chunto iya baka [dua] disebut [mendua] enggau enti [tiga] sida nyebut
[meniga] tang enti lumur nya empat ke baruh iya nya sampai lapan sida deka
nyebut baka ke bisi penambah [nge]. Ambika chunto baka [empat] nyadi [ngempat],
[lima] nyadi [ngelima], [enam] nyadi [ngenam], [tujuh] nyadi [ngenujuh],
[lapan] nyadi [ngelapan].
Chunto leka jaku bukai ti bebida ari jaku
standard kitai Iban iya nya baka [ratus] dalam jaku standard nyadi [hatuh],
[dih] dalam jaku standard nyadi [dah], [mih] dalam jaku dtandard nyadi [deh]
enggau ti bukai. Bida sebut leka jaku tu ari jaku standard endang nyelai sereta
orang ti baru ninga munyi sebut leka jaku tauka dialek ti baka tu pan tau
ngasuh sida enda mereti ke utai ti disebut enti nyema sida ukai peranak ari
pelilih menua nya. Tu mih nunjukka gun ajaku standard dalam pengidup kitai Iban
ngambika kitai ulih berandau tauka berkomunikasyen enggau pangan diri ngena
siti bansa jaku aja lebuh berandau enggau orang ti bebida menua enggau kitai.
Jaku standard nya ulih ngasuh orang ke enda sama dialek tauka pelilih menua
ulih mereti ngagai utai ti dipadah tauka
dikerandauka kitai. Nyema nadai jaku standard ba bansa kitai, dia komunisyen
antara kitai enggau orang ari pelilih menua bukai deka mayuh penanggul baka ari
segi chara nyebut sesebengkah leka jaku enggau ari segi reti sesebengkah leka
jaku.
3.0 TIUN TAUKA RENTAK JAKU
Tiun tauka rentak jaku iya nya senentang
bakani gaya enggau munyi jaku nya disadaka (Madzi
Johari, 1988). Tu mega bisi kaul enggau intonasyen lebuh orang nyadaka
sesebengkah jaku tauka ayat. Tiun tu mega bebida nitih menua enggau penuduk
geografi . Tiun jaku tau dikumbai kitai lagu jaku laban tiap-tiap menua endang
bisi tiun jaku Kediri empu. Ari tiun jaku mega kitai ulih nemu penatai orang
nya baikka nya datai ari ulu batang ai tauka ari menua bukai.
Tiun jaku ba Ulu Balingian iya nya ngembuan
munyi ti landau lebuh lebuh berandau selama. Enti nyema tekenyit, tiun jaku
tauka rentak jaku sida endang tinggi sereta jampat. Jaku selama tauka randau
selama ba menua tu iya endang bebida ari menua bukai, tiun tu bebida nitihka
situasyen maya ti bejaku. Ari tiun jaku tu mega kitai ulih beratika orang nya
baka ni iya ringat tauka nganu, baka ni iya enda puas ati enggau baka ni iya
gaga tauka mentas. Kebuah pia laban tiun tauka rentak jaku selama ti selalu
dikena orang berandau ba menua pelilih Ulu Balingian endang landai, ukai
belubah-lubah sereta enda mega tinggi.
Tiun ti baka tu ukai semina dikena ba menua
Ulu Balingian aja tang ba bagi menua bukai pan bisi sebaka enggau tiun jaku
orang ti diau ba pelilih menua Ulu Balingian. Chunto iya baka orang tunga ke
Tatau, Bintulu enggau sibu endang sebaka enggau munyi tiun tauka rentak jaku ba
Ulu Balingian semina sebut leka jaku aja ti bebida ari orang ba menua
bukai.Pekara tu nyadi laban orang ti diau ba Ulu Balingian nadai ngembuan
penuduk geografi ti mayuh bebukit-bukit tang ba menua tu endang mayuh tanah
landau baka emperan enggau paya. Gaya menua ti baka tu ulih marit tiun jaku tauka rentak jaku sesebengkah raban bansa ba menua nya baikka
munyi tiun jaku kasar tauka alus.
Nya alai, orang ti diau ba ulu sungai ti
semak enggau wung ngembuan tiun jaku ti tinggi tauka nyaris didinga laban
geografi sida iya ba menua din enda sama enggau geografi orang ti diau ba menua
landai tauka tanah ti landai. Empas ari rentak tauka tiun jaku ti bebida enti
sema kitai jarang ninga orang ti bejaku besai, dia iya ulih ngasuh kitai lain
asai baka tekenyit tauka salah sangka ngagai orang nya, kitai ngumbai orang nya
nganu tang kebendar iya orang nya nadai nama-nama penanggul tauka penusah. Nya endang udah munyi tiun
tauka rentak jaku ba menua sida. Sida nyau udah teleba nyadaka tiun jaku ti
kasar tauka tinggi munyi baka nya.
4.0 TRANSKRIPSYEN
Dialog
Ini: Anang ninggal ke kami meh kita puang kami, sida Khan
nyau pulai ke Mukah ga legi.
Ini Abob: Ko aku madah gai apai ya , pama tua bemalam dili
enti di nyayat ko aku. Mendua
malam pulai enda ulih niki bukit nya dah aku pulai mansang.
Aya : Bakani ka bemalam dia nadai dinding langkau nya.
Ini Abob : Dinding ngau kimis, hahahaha enda beleman malam
gantung ke kibung ke
dinding.
Ini : Endai, nunda langkau sida Lantung Kenya Meh, ahi tu aja
bedinding, kia ena, kia enda,
ahi pala tu aja
bedinding.
Ini Abob: Mayuh papan kami dia, aja y aba sadau dia tang meh
alu enda digaga alu enda
dipantang.
Aya : Manah bemalam ba langkau kebun ku dili.
Ini: hahaha niki bukit meh nya.
Ini Abob: Niki bukit nya ke pama.
Aya : Enggi Indai Linggi nya bahu anang, suba bisi indu
pantak ba bahuh humah nya.
Ini Abob: Enggai aku Indai Linggi, takut aku, bisi indu
pantak dalam lanji.
Aya : Bisi indu pantak meh dia, aku mansa nya ka ngerara api
ka makai utai sida ya kia
mansa baruh
humah ya nya, nya aku meda bisi indu pantak dia.
Ini Abob: Apu neh, mati, pahai kitai.
Aya : Amat bisi nya, bisi indu pantak dia, ba langkau nya
bahu humah.
Ini Abob: Nya meh, behatika dihi niki bukut nya nuhun niki
nuhun niki, ukai aku tok dapat ko
aku
nganu ya semadi ke itih meda ya. Dunga-dunga meda ya pama meh. Ukai
baka ke dapat. Ati ka meh gawa tang tulang bangat nadai mat danjung
gawa.
Aya: Uhut ba ambu Sungai Mihah enggai kini indai?
Ini Abob : Enda nemu anak lama udah enda kia.
Aya: Engka ka ya pelaba aku.
Ini Abob: Enda kala bejalai kia aku diatu anak enggai
bula-bula.
Ini: Enti di enda ngatung behat nyamai udah duhut ya, baka
engku pama udah ngatung
behat bekatung ke
asi, bekatung ke lauk maya agi behapi suba, nyau datai ga bahu.
Ini Abob: Indu ke ba Sungai Mihah ke bisi uduk nya k di?
Aya : Au.
Ini Abob: Au lama aku udah enda kia anak. Kelia lebuh aku ka
pahai pedis patung kelia, dia
meh
aku ke ngasuh aku nyamai sub aba indu Sungai Mihah nya. Nyamai aku suba,
kami
duai Pehanchis, Pehanchis dia suba ngasuh ya tau bejalai. Ya ke dibehi Apai
Bija
lima hinggit aja suba.
Ini: Endai neh wai.
Ini Abob: Amat lima hinggit meh wai, meda tudah tuai ke nadai
minta upah. Haya ko ati aku
din. Nadai bisi meh kitai mehi meniga puluh.
Ini: Nibuh meniga puluh, ngelima belas pama meh.
Ini Abob: Baik meh nya. Ngenang Pehanchis ke enda tau bejalai
behapa bulan suba. Dia
meh
aku suba danjung Inggai aku kia. Suah aku kia kelia.
Ini: Uduk ya dia amat tak bebela enggau tu peninggi iya.
Aya: Nadai ke tinggi nya.
Ini Abob: Ni dah?
Aya: Udah mati. Ya ke bahuh nya bahu agi mayuh dia. Nadai
ulih nuhun sengapa dia,
mangah amat
uduk nya.
Ini : Nadai nemu jaku kitai uduk nya ti enda iya empu ngerara
uduk nya.
Aya: Nya meh, kitai ke enda nyamai disium-sium uduk nya.
Ini : Udah niang Indai Umpa suba, kami bai Abuk kia. Ambu
asuh pansut uduk di ke besai
nya ko ya. Sanu
ko yawai, orang ka meda di ko ya ngangauka uduk ya nya. Nya aku
meda pemesai
singkang uduk nya.
Ini Abob: Jugam bisi meh iya suba.
Aki: Enti uhang putih meda nya bisi ahi beli uhang putih
jugam nya
RANDAU B
Aya : Peda di uban di tok enyau bekecheli, agi mit ga di ko
di.
Ini : Anang ngelaban enggau Biki pemayuh uban. Pahai ko aku
umur ngemiak nya tau
buban ngemalat
nya.
Ini Abob: Ngau Bisin aku mayuh meh wai.
Ini: Bisi anak mit siku pemehi dua balat mat uban, balat gi
ahi engku tu ko Apai Ti, bahu
pemehi dua nya.
Apu haya nembiak tu ko Apai Ti.
Aki: Abub, ni indu uhang Ahip ke buban sepiak tu aja suba?
Besai ya, besai gi ahi kita tubuh
ya.
Ini Abob: Ukai nya hambau sida ya, kelia indu nya dia, hambau
sida Apai Bujang suba.
Ini: Peda buk bala anak Apai Dila baka jelu hasung peda aku
maya mandi dai lemai mahi
aku meda. Haya ko
aku.
Aki: Baik nya biak, ngenang Apau ke tuai nya ke bechuk buk
lebih gi, hambau uhang mupuk
batang mengian
tu menya Apau nya.
Ini: Enggau Indai Nain engka empa jaku ya empu wai.
Ini Abob: Nama dah?
Ini: Nyamai gi ku pahai ahi buban ko ya, kendua behandau suba.
Endai ukai nadai chuk dah
akih ti di enggai
buban ko aku.
Ini Abob: Buban nadai meh ngawa wai.
Ini: Di meda bahu tumbuh uban ya alu pahai ney.
Ini Abob: Niang Indai Dibit kami suba bahu amat wai. Dambi ya
mimpi. Enti aku tumbuh
uban wai Indai Ana mati aku ko ya. Di meda
amat nya, enda nya tudah tuai
ngechuk buk belama suba. Pama uban ku dah behatap pahai ku wai Indai Ana
ko
ya.
Ini : Medih ni ga meli chuk hya.
Ini Abob: Meli hega bepuluh hinggit lama ngena ya.
RANDAU A
Ini: [ # anaŋ niŋgal kǝ kami mɛh kitaʔ puaŋ kami / sidaʔ xan ɲaw
pulay kǝ mukah ga lǝgiʔ //
# ]
Ini Abob: [ # ko aku madah gay apay ya / pama tua bǝmalam
diliʔ ǝntiʔ diʔ ɲayat ko aku //
mǝnduʷa malam pulay ǝndaʔ ulih nikiב bukit ɲa dah aku pulay mansaŋ // # ]
Aya : [ # bakani kaʔ
bǝmalam diaʔ naday dindiŋ laŋkaw nyaʔ // # ]
Ini Abob : [ # dindiŋ ŋaw kimis / hahahaha ǝndaʔ bǝlǝman
malam gantuŋ kǝ kibuŋ kǝ dindiŋ
// # ]
Ini : [ # ǝnday / nundaʔ laŋkaw sidaʔ lantuŋ kǝɲaʔ mɛh / ahi
tuʔ ajaʔ bǝdindiŋ / kiaʔ ǝndaʔ /
kiaʔ ǝndaʔ / ahi
palaʔ tu ajaʔ bǝdindiŋ // # ]
Ini Abob: [ # mayuh papan kami diaʔ / ajaʔ ya baʔ sadaw diaʔ taŋ mɛh alu ǝndaʔ digagaʔ
alu ǝndaʔ
dipantaŋ // # ]
Aya : [ # manah bǝmalam baʔ laŋkaw kǝbun ku diliʔ // # ]
Ini: [ # hahaha nikiʔ bukit mɛh ɲaʔ // # ]
Ini Abob: [ # nikiʔ bukit ɲaʔ kǝ pama // # ]
Aya : [ # ǝŋgi inday liŋgi ɲaʔ bahu anaŋ / subaʔ bisiʔ indu pantak baʔ bahuh humah ɲaʔ //
# ]
Ini Abob: [ # ǝŋgay aku Inday Liŋgi / takut aku / bisiʔ induʔ
pantak dalam lanǰiʔ // # ]
Aya : [ # bisiʔ induʔ
pantak mɛh diaʔ / aku
mansaʔ ɲaʔ kaʔ ŋǝraraʔ api kaʔ makay utay
sidaʔ ya kiaʔ mansaʔ baruh humah ya ɲaʔ / ɲaʔ aku mǝdaʔ bisiʔ
induʔ pantak diaʔ //
# ]
Ini Abob: [ # apu nɛh / mati / pahay kitay // # ]
Aya : [ # amat bisiʔ ɲaʔ / bisiʔ
induʔ pantak diaʔ / baʔ laŋkaw ɲaʔ bahuh
humah // # ]
Ini Abob: [ # ɲaʔ mɛh
/ bǝhatika dihiʔ nikiʔ bukit ɲaʔ
nuhun nikiʔ nuhun nikiʔ / ukay aku toʔ
dapat ko
aku ŋanuʔ ya sǝmadi kǝ itih mǝdaʔ ya //
# ] [ # duŋaʔ duŋaʔ mǝdaʔ
ya
pama mɛh // # ] [ # ukay baka kǝ dapat // # ] [ #
ati kaʔ mɛh gawaʔ taɲ tulaŋ
baŋat naday mat danjuŋ gawaʔ // # ]
Aya: [ # uhut baʔ
ambu suŋay mihah ǝŋgay kini inday? # ]
Ini Abob : [ # ǝndaʔ
nǝmu anak lamaʔ udah ǝndaʔ kiaʔ
// # ]
Aya: [ # ǝŋka kaʔ
ya pǝlabaʔ aku // # ]
Ini Abob: [ # ǝndaʔ
kalaʔ bǝjalay kiaʔ aku diatuʔ anaʔ ǝŋgay bulaʔ bulaʔ // # ]
Ini: [ # ǝntiʔ diʔ ǝndaʔ ŋatuŋ bǝhat ɲamay udah duhut ya / baka ǝŋku pama
udah ŋatuŋ
bǝhat bǝkatuŋ kǝ
asiʔ / bǝkatuŋ kǝ lauk maya agiʔ bǝhapi subaʔ / ɲaw datay gaʔ bahu
// # ]
Ini Abob: [ # induʔ kǝ
baʔ suŋay mihah kǝ bisiʔ uduk ɲaʔ ko diʔ?
# ]
Aya : [ # au // # ]
Ini Abob: [ # au lamaʔ aku udah ǝndaʔ kiaʔ anaʔ
// # ] [ # kǝliaʔ lǝbuh aku kaʔ pahay pǝdis
patuŋ kǝliaʔ / diaʔ mɛh
aku kǝ ŋasuh aku ɲamay subaʔ baʔ induʔ suŋay mihah ɲaʔ
// # ] [ #
ɲamay aku subaʔ / kami duay pǝhančis / pǝhančis
diaʔ subaʔ ŋasuh ya taw
bǝjalay //
# ] [ # ya kǝ dibǝhiʔ apay bija limaʔ hiŋgit ajaʔ subaʔ // # ]
Ini: [ # ǝnday nɛh wai // # ]
Ini Abob: [ # amat limaʔ hiŋgit mɛh way / mǝdaʔ
tudah tuay kǝ naday mintaʔ upah
// # ] [ #
Haya ko
ati aku din // # ] [ # naday bisiʔ mɛh
kitay mǝhiʔ mǝniga puluh // # ]
Ini: [ # nibuh mǝniga puluh / ŋǝlimaʔ bǝlas pama mɛh // # ]
Ini Abob: [ # Baik mɛh ɲaʔ // # ] [ # ŋǝnang pǝhančis kǝ ǝndaʔ taw bǝjalay bǝhapa bulan
subaʔ // # ] [ # diaʔ mɛh aku subaʔ danjuŋ
Iŋgay aku kiaʔ // # ] [ # suah aku kiaʔ
kǝliaʔ // # ]
Ini: [ # uduk ya diaʔ amat taʔ bǝbǝlaʔ ǝŋgaw tuʔ pǝniŋgiʔ iya // # ]
Aya: [ # naday kǝ tiŋgiʔ nyaʔ // # ]
Ini Abob: [ # ni dah? # ]
Aya: [ # udah mati // # ] [ # ya kǝ bahuh ɲaʔ bahu agiʔ mayuh diaʔ / # ] [ # naday ulih
nuhun sǝŋapaʔ diaʔ / maŋah amat uduʔ ɲaʔ // # ]
Ini : [ # naday nǝmu jakuʔ kitay uduk
ɲaʔ tiʔ ǝndaʔ iya ǝmpu ŋǝrara uduk ɲaʔ // # ]
Aya: [ # nyaʔ mɛh / kitay kǝ ǝndaʔɲamay disium sium uduk ɲaʔ // # ]
Ini : [ # udah niaŋ inday umpa subaʔ / kami bai abuk kiaʔ // # ] [ # ambu
asuh pansut uduk
diʔ kǝ bǝsay ɲaʔ ko ya // # ] [ # sanu ko ya way /
oraŋ kaʔ mǝdaʔ diʔ ko ya ŋaŋawka
uduk ya ɲaʔ / ɲaʔ aku mǝdaʔ pǝmǝsay siŋkaŋ uduk ɲaʔ // # ]
Ini Abob: [ # ǰugam bisiʔ mɛh iya subaʔ // # ]
Aki: [ # ǝntiʔ uhaŋ putih mǝdaʔ ɲaʔ bisiʔ ahi bǝli uhaŋ putih ǰugam ɲaʔ // # ]
RANDAU B
Aya : [ # pǝdaʔ diʔ uban diʔ tuʔ ǝɲaw bǝkǝčǝliʔ / agiʔ mit gaʔ
diʔ ko diʔ // # ]
Ini : [ # anaŋ ŋǝlaban ǝŋgaw biki pǝmayuh uban / pahay ko aku
umur ŋǝmiak ɲaʔ taw
buban ŋǝmalat ɲaʔ // # ]
Ini Abob: [ # ŋaw bisin aku mayuh mɛh way // # ]
Ini: [ # bisiʔ
anak mit sikuʔ pǝmǝhi duʷa balat mat uban / balat giʔ ahi ǝŋku tuʔ ko apay ti /
bahu pǝmǝhi duʷa ɲaʔ / apu haya nǝmbiak tuʔ ko apay ti // # ]
Aki: [ # abob / ni induʔ uhaŋ ahip kǝ buban sǝpiʸak tuʔ ajaʔ subaʔ? # ] [ # bǝsay ya / bǝsay
giʔ ahi kitaʔ tubuh ya // # ]
Ini Abob: [ # ukay ɲaʔ hambaw sidaʔ ya / kǝliaʔ induʔ ɲaʔ diaʔ / hambaw sidaʔ apay bujaŋ
subaʔ //
# ]
Ini: [ # pǝdaʔ buk bala anak apay dila baka jǝlu hasuŋ pǝdaʔ
aku maya mandiʔ dayʔ lǝmay
mahiʔ aku mǝdaʔ
// # ] [ # haya ko aku // # ]
Aki: [ # baik ɲaʔ biak / ŋǝnaŋ apaw kǝ
tuay ɲaʔ
kǝ bǝčuk buk lǝbih giʔ /
hambaw uhaŋ
mubuk bataŋ mǝŋian tuʔ mǝɲaʔ apaw ɲaʔ// # ]
Ini: [ # ǝŋgaw inday nain ǝŋka ǝmpaʔ jakuʔ ya ǝmpu way // # ]
Ini Abob: [ # nama dah? # ]
Ini: [ # ɲamay giʔ ku pahay ahi buban ko ya / kǝnduʷa bǝhandaw subaʔ // # ] [ # ǝnday ukay
naday čuʔ dah akih ti diʔ ǝŋgay buban ko aku
// # ]
Ini Abob: [ # buban naday mɛh ŋawaʔ way // # ]
Ini: [ # diʔ mǝdaʔ bahu tumbuh uban ya alu pahay nɛy // # ]
Ini Abob: [ # niaŋ inday dibit kami subaʔ bahu amat way / dambiʔ
ya mimpi // # ] [ # ǝntiʔ
aku tumbuh uban way inday ana mati aku ko ya //
# ] [ # diʔ mǝdaʔ amat ɲaʔ /
ǝndaʔ ɲaʔ tudah tuay ŋǝčuk buk bǝlama subaʔ // # ] [ # pama uban ku dah
bǝhatap pahay
ku way inday ana ko ya // # ]
Ini : [ # mǝdih ni gaʔ mǝli čuk
ɲaʔ // # ]
Ini Abob: [ # mǝli hǝga bǝpuluh hiŋgit lamaʔ ŋǝnaʔ ɲaʔ // # ]
6.0 JAKU
SIMPUL
Jaku standard endang beguna dalam jaku Iban laban
semua orang nemu bekenaka jaku standard. Enti nadai jaku standard, dia kitai
deka pedis berkomunikasyen enggau orang ti bebida menua enggau kitai taja pan
sama bansa Iban. Kebuah pia laban kitai Iban endang ngembuan dialek ti bebida
enggau pangan diri. Kelimpah ari nya kitai Iban mega ngembuan patah sebut ti
bebida nitihka pelilih menua diri empu. Bisi jaku standard ti dikena semua
bansa Iban, dia iya ulih ngasuh kitai berkomuniksyen enggau manah kelebih agi
lebuh kitai dipinta ngenataika licha ba menua orng ti bebida dialek, bebida
chara nyebut leka jaku enggau bebida ari tiun jaku. jaku standart tu mih ti
beguna dikena kitai ngambika orang bukai nya tau meretika utai ti dipadah tauka
diterangka kitai.
