SEMANTIK JAKU IBAN

 

SEMANTIK

Semantik iya nya meri fokus ngagai reti dalam ayat enggau leka jaku. Ba pansik semantik, kitai patut meretika terminologi ke beguna kelebih agi terminologi ti ngundan semantik enggau reti. Dalam jaku Iban, semantik ulih dibagi tauka dibiah ngagai tiga pampang iya nya semantik enggau reti, semantik enggau linguistik sereta semantik enggau histori. Semantik datai ari jaku Yunani iya nya “sema” ti mai reti “tanda” tauka “kelai”. Nitihka penemu J.W.M Verhar (1992), semantik iya nya pampang linguistik ti bejuraika reti. Zulkifli Hamid (1992), madahka semantik iya nya siti ari pampang penemu linguistik ti meri fokus ngagai pansik reti ba tikas leka jaku, rambai jaku, klausa enggau ayat.

Semantik enggau linguistik beguna dikena dalam mansik ayat ngambika kitai ulih nemu ayat nya gramatik tauka enda. Iya mega beguna dalam pansik jaku ngambika kitai tauka pemacha ulih nemu ayat ti ditempa nya nemban tauka enda ari sukut semantik iya. Sebedau taun 1930, pansik semantik enggau histori meri fokus ngagai aspek pansik tradisional iya nya ubah reti. Sepengudah taun 1930, semantik nyengkaum penanggul deskriptif enggau  struktur dalam semantik ( Ullmann, 1996). Gustaf Stren (1931), nulis bup “ Meaning and change of Meaning with Special Reference to English Language. Bup tu mai ubah besai ngagai bidang semantik. Pansik semantik pengudah taun 1950 enda agi meri fokus ngagai ubah reti enggau kebuah iya, tang pansik semantik belabuh mindah ngagai aspek dalam ba pengaya leka jaku enggau prinsip rama ngagai pansik jaku.

NOTE SEMANTIK 

Teori Nyata

-       Reti jaku ti bepelasarka eviden (bukti) ari pengamat.

Harmoni enggau Nyata

-       Dikumbai harmoni (logik) ba reti.

-       Nitihka Genard Gentzen, kaul logik dikena ngasilka reti wachana lalu nyengulaika penerang ke bebida reti.

-       Disertaka enggau jaku penyambung “sereta”

Chunto :

-       Indu nya bajik “ sereta” laki nya sigat.

-        buah mutan nya manis “ sereta” buah sibau nya masam.

Chunto 2 ke bekenaka leka jaku “tang”

-       Lingan burak. Lenya chelum

-       Chara nyambung : Lingan burak “tang” Lenya chelum.

-       Kebuah – dikena bekaulka dua iti penerang ke bebidanya iya nya ngena leka jaku “tang”.

Koheren enggau Nyata

-       Penerang/ ayat ke besangkut paut enggau pangan diri.

-       Nitihka teori koherensi, penerang nya amat enti penerangnya koheren tauka konsisten enggau penerang ti amat sebedau iya.

Chunto

-       Penerang (i)- Rumput bechura gadung

-       Penerang (ii)- Lalang bechura gadung

-       Lalang iya nya sebansa ari rumput

-       Penerang (i)-  utai idup enseput.

-       Penerang (ii)Rasung enseput

- Rasung iya nya utai idup.

*Penerang (i)- iya nya penerang ti amat lalu enda ulih disakal

* Penerang (ii)- koheren enggau penerang.

SEMANTIK TEORI NYATA

¡  Teori nyata – reti jaku lebih bepelasarka evidens (bukti) ari pengamat.

a)    Harmoni enggau nyata

                                                  i.    Dikumbai harmoni logik, iya nya harmoni ke logik ba reti

                                                 ii.    Nitihka Gerhand Gentzen, kaul logik dikena  ngasilka reti wachana lalu nyengulaika penerang ke bebida reti

                                                iii.    Nitihka penemu Gentzen, enti kita pechaya langit nya biru lalu rumput nya gadung, jaku penyambung ‘sereta’ patut dikena bekaulka dua iti penerang ke bebidanya. (Langit nya biru sereta rumput nya gadung

     Chunto ayat:

¡  Bija pandai.Lema enda pandai.

¡  Dua iti penerang di atas nya enda seraris laban nadai kaul logik.

¡  Dikena bekaulka dua iti penerang ke bebidanya, leka jaku penyambung ‘tang’ patut dikena.

Chunto ayat:

¡  Bija pandai tang Lema enda pandai.

¡  Sepengudah diberi leka jaku penyambung ‘tang’, dua iti ayat ke bebida nya nyadi harmoni, lalu ngembuan reti, Bija enggau Lema tu ngembuan tikas pemandai ti bebida.

b)    Koheren nyata

                                                  i.    Koheren iya nya penerang tauka ayat ke besangkut paut enggau pangan diri

                                                 ii.    Nitihka Teori Koherensi, penerang nya amat enti penerang nya koheren tauka konsisten enggau penerang – penerang ti amat sebedau iya.

Chunto 1

Jelu mamalia ulih beranak. (i)

Mayau ulih beranak. (ii)

Mayau nya jelu mamalia. (iii)

Chunto 2:

Utai idup enseput. (i)

Ukui enseput. (ii)

Ukui iya nya utai idup. (iii)

¡  Penerang (i) iya nya penerang ti amat lalu enda ulih disakal. Penerang (iii) koheren enggau penerang (i), lalu penerang (i) enggau (ii) negapka pengamat penerang (iii).

PENANGGUL MAYA NGAJAR RETI SINTAKSIS ENGGAU MORFOLOGI & AMBIGUITI ENGGAU AMBIGUITI BA JALAI JAKU

-Penanggul maya ngajar reti tikas sintaksis.

-       Penanggul maya ngajar reti tikas morfologi

1.    Leka Jaku BEPENAMBAH

ü  Chunto:  burung-beburung

ü  Penerang:

Ø  Reti 1: Burung tu iya nya sebansa jelu ti nemu terebai.

Ø  Reti 2: Beburung iya nya pengawa begawai adat bansa Iban

2. Leka Jaku HOMONIM

ü  Chara nyebut, munyi enggau sepil SEBAKA tang RETI bebida.

ü  Chunto : asi

ü  Penerang:

Ø  Reti 1: Dikesayau

Ø  Reti 2: Adil

3. Leka Jaku HOMOFON

ü  Sebut enggau munyi SEBAKA tang reti enggau sepil BEBIDA.

ü  Chunto: massa-masa

ü  Penerang:

Ø  Massa = Kereban ti dikena ngenataika informasyen

Ø  Masa = Pengawa bebasaka orang.

4. Leka Jaku HOMOGRAF

ü  Sepil SEBAKA tang chara nyebut enggau reti BEBIDA.

ü  Chunto: sua-sua’

ü  Penerang:

Ø  Sua = Lebuh deka tauka ngena siti-siti utai tauka pekara mesti di tanda ngena mata duit dulu baru ulh dikena.

Ø  Sua’ = Pengawa ngenjuk tauka meri utai ngagai orang.

KELAS RETI

Reti Denotatif

-       Reti leka jaku ke bendar tauka reti leksikal.

-       Reti ke ulih digiga ba diksionari

-       Chunto 1 :

Kalum takutka lintah laban lintah nya nemu nginsap darah.

à “Lintah” dalam ayat nya sebansa belut tauka ulat ti nemu nginsap darah mensia ti bisi mega dikena ngubat sebansa penyakit.

Chunto 2 :

Sungai Seblak beberita ketegal mayuh baya.

à Reti baya ba ayat nya iya nya sebansa jelu ti ulih idup ba ai enggau pantai sereta makai jelu bukai.

Reti Konotatif

-       Ukai reti leksikal tauka leka jaku ke bendar

-       Enda sebaka enggau reti ba diksionari

-       Bepelasarka konteks enggau tuju komunikasyen.

Chunto 1 :

Apai Bunga selalu digagai lintah darat laban iya kala nginjau duit ba orang nya.

à Lintah darat ba ayat nya ukai belut tang nyemaka orang ti nginjauka duit ngagai orang enggau chara ngiga untung lebih.

Chunto 2 :

Anang sesekali arapka jaku lelaki nya laban iya digelar baya pantai.

à Baya pantai ba dalam ayat nya ukai baya ti ulih idup ba ai enggau sungai sereta makai jelu bukai tang nya nyemaka lelaki ti deka amat ngemudi indu.

Reti afektif

-       Pekara ke disebut ngembuan reti ti bekalih.

-       Selalu iya dikena ngemaruhka diri.

Chunto:

“Aram mih makai ba bilik kami taja nadai entu engkayu ke menyana.”

“Niki mih ngagai langkau kami tu.”

“ Anang malu begulai enggau aku taja gamal baka engkeramba.”

Reti emotif

-       Reti ke sama tang bebida ari tikas basa.

Chunto:

Kebur – tinduk

Beganjuh – bejalai

Majuh – makai

Reti leksikal

-       Reti ti nadai bekaul enggau reti leka jaku ti bukai.

-       Ulih digiga ba diksionari

Chunto:

Kayu – dikena ngaga rumah.

Ubung – tali dikena betenun tauka bejait.

Reti gramatikal

-       Reti baru ke nyadi ketegal proses gramatikal ( penambah, ngulang, beturu)

Chunto 1:

Bejalai – mindah ari siti endur ngagai siti endur

Jalai – jalai – Mayuh jalai

Jalai alun – jalai endur kereban pengangkut/ mensia mindah

Chunto 2:

Makai – ngisi perut ngena pemakai.

Pemakai – utai ti ulih diempa.

Makai belalai – Gila indu tauka laki bukai maya bini tauka laki diri empu nadai.

Reti referensial/Reti Kognitif

-       Reti ti bekaul enggau penerang tauka ngembuan referens (chuan) ke udah dipesetuju raban jaku.

Chunto:

Penyuran/pinsil – kereban dikena nulis

Panggal/ pua/ tilam – kereban dikena maya tinduk

Penyayat/ tukul/ paku lawang – kereban dikena betukang.

Reti non-referensial

-       Leka jaku enda referens (chuan), ambika chunto jaku tugas.

Chunto :

“Kemari iya datai kitu”.

“Lama iya nadai kitu”.

Reti leka jaku

-       Reti ti sebaka enggau leksikal, reti denotatif enggau reti konseptual.

-       Ulih digiga ba diksionari.

Chunto:

Kerusi – endur duduk

Tilam– endur gali

Sudu – kena makai

Sabun – kena mandi

Reti terminology

-       Ngembuan reti ti nyengala enggau enggau enda bepanggai ba konteks ayat.

-       Semina dikena nitihka bidang/ lebas.

Chunto:

Patella nya nya sebansa tulang ti bisi ba patung mensia.

Kromosom ulih nentuka pendiau siku-siku mensia.

Reti konseptual

-       Reti ke seriran enggau konsep enggau referens.

-       Sebaka enggau reti referensial, leksikal tauka denotatif.

Chunto :

Penyuran – dikena nyukat

Pinggai – dikena makai

Reti Asosiatif

¢  Sama enggau sempama.

¢  Sempama ti dikena nya sebaka enggau gaya asal utai ti disema.

Chunto :

Baka api ke dipanjah ai

à Ngetu tekala nya/nadai jaku

Chunto ayat : “Endun baka api ke dipanjah ai lebuh meda Igat bejalai enggau indu bukai”.

Reti Idiomatikal

¢  Reti bebida ari reti leksikal tauka reti gramatikal.

¢  Chunto :

Matahka lengan – makai

Nyintak perut – enda makai

Reti sempama

¢  Reti ti ngembuan asosiasyen entara reti ke bendar enggau reti ba sempama.

Chunto :

Baka tapang diwan rembia – Indu/lelaki ti udah bisi laki/orang ngempu

Chunto ayat : Sima baka tapang diwan rembia lalu enda tau dikachau agi.

PEMANSANG TERMINOLOGI JAKU IBAN NENGAH UBAH SEMANTIK

Definisyen terminologi

•       Terminologi iya nya leka jaku/sakum leka jaku ke terang dikena nerangka reti, konsep, proses, situasyen enggau penteba sesebengkah bidang chunto: fotosintesis, sintaksis, fonetik

1.    Ubah reti

-Reti sekeda leka jaku ke berubah nitihka ubah tauka pemansang dunya teknologi enggau kaul dalam raban bansa.

2. ngerembaika reti

•       -Ubah peneleba enggau daya idup, konteks enggau penemu ulih ngerembaika reti leka jaku

	RETI LAMA	RETI BARU
NUPI	Nupi jelu ba darat	Ngengkaum nupi ikan undang
NGUBAT	Ngubat orang ti sakit	Ngubat utai tumbuh bala jelu
NGEMERAI	Nyemerai sungai	Nyemerai jalai alun

3.Ngedutka reti

•       -Ubah peleba enggau daya idup konteks enggau penemu ulih ngedutka reti leka jaku ngambika spesifik agi.

	RETI LAMA	RETI BARU
RUMAH	Rumah panjai	Rumah batu, rumah banglo, rumah beringkat
CHAPAK	Semua pinggai dikumbai chapak	Bisi mangkuk , pirin

4.Nyungkakka reti

•       - Nyungkakka reti ngena jaku silup tauka jaku kelaung.

JAKU KELAUNG	RETI
AGI BAU LIA	Umur agi biak tang udah nemu ngemujang enggau ngenara ka diri
MATAHKA LENGAN	Makai “udah matah ka lengan tengah hari tu”? pia ka keling nanya laja
ANAK ULAR	Kena ngelaungka orang ti benunga gawa di babas. Chunto iya : “bisi ngalau ka anak ular ti agi ba kebun lauk”ku indai

TANDA SEKANG DALAM JAKU IBAN

•       Tanda sekang bisi dikena dalam jaku Iban.

•       Tajapia, ukai semua kelas jaku bekenaka tanda sekang tu.

•       Dalam kelas jaku, semina beberapa iti aja kelas jaku ke ngena kelas jaku.

JAKU BETANDU PENUH

besai-besai (besai)

v   Kayu ba kampung nya besai-besai magang.

Pandak-pandak (pandak)

v  Buk indu ke enggau bepekit nya pandak-pandak magang.

Bajik-bajik (bajik)

v  Indu rumah panjai nya bajik-bajik magang.

JAKU BETANDU BEPENAMBAH PUN

Bepusin-pusin (pusin)

v  Bilun nya bepusin-pusin sebedau terempas.

Betikau-tikau (tikau)

v  Nembiak betikau-tikau tanah lebuh mandi di pendai.

Pemanchal-manchal (manchal)

v  Madi aku naka iya pemanchal-manchal

v  JAKU BETANDU BEPENAMBAH BA TENGAH

Biak-sebiak(biak)

v  Taja umur Neil nyau tuai, tang gamal iya majak biak-sebiak.

Besai-sebesai(besai)

v  Ai Sungai Bakong nyau majak besai-sebesai sepengudah enda ngetu ujan ari malam tadi.

Berat-seberat(berat)

v  Tubuh aku nyau majak berat-seberat.

JAKU TURU BETANDU

Keling-keling gawai

v  Keling-keling gawai ke enggau bepekit gap amai.

Tuai-tuai rumah

v  Tuai-tuai rumah diasuh begempuru ba Opis Penatai Pemisi.

Kepala-kepala pemesai

v  Kepala-kepala pemesai bansa Iban merambu deka ngatur aum.

LEKA JAKU TI BETANDU ENGGAU LUMUR ORDINAL

Ke-59

v  Malaysia ngatur pengerami Hari Merdeka ke-59.

Ke-21

v  Kemari aku ngintu ari pengada aku ke-21.

JAKU NAMA TETAP TI DIBERI PENAMBAH PUN

Se-Malaysia

v  Se-Malaysia sama bela nyambut Hari Merdeka.

 Pro-Asean

v  Menua Pro-Asean bisi ngatur aum ti besai dikena ngemansangka pengerembai ekonomi ba menua ASEAN.

RETI LEKSIKAL DALAM JAKU IBAN

RETI LEKSIKAL

•       Reti jaku ti ulih disebut nyadi diksionari. 

•       Jaku ti bedau nerima sebarang penambah ba leka jaku.

•       .Dalam guna ba jaku Iban, iya mega mandangka kaul reti entara siti leka jaku enggau leka jaku ke bukai. 

SINONIM

•       Leka jaku ti bebida tang ngembuan reti ti sebaka.

Bajik-manah                                        sebingau-sebening

Rindu-gaga                                         sereba-serambau

ANTONIM

•       Jaku ti belaban reti

•       Chunto:   chelum enggau burak

•       Chunto:  panjai enggau pandak

HOMONIM

•       Leka jaku ke ngembuan tukuh (sepil) enggau munyi ke sama tang reti ke bebida.

•       Dalam diksionari, dikelai ngena angka roman (i, ii, iii)

Chunto Homonim

•       gerah i   – enda sendat

   gerah ii  – jaku / jaku pesan

•       midang i   – lenyau, enda temu tunga

   midang ii – mati tauka parai

•       mudah i   – enda mar (senang)

   mudah ii – murah

•       patung i  – perengka kaki entara betis enggau pah

   patung ii – engkeramba, pentik

Homofon

•       Leka jaku ti sama munyi tang enda sama sepil enggau reti

•       Chunto:

      i)        Bank – endur nyimpan duit

     ii)        Bang – abang enggau azan

    iii)        Duit – rengka ti ditetapka rega dikena bedagang

   iv)        Duet – belagu lebih ari siku

HOMOGRAF

•       Leka jaku ti sama sepil tang chara nyebut enggau reti ti bebida.

•       Chunto:

malu – malu’

raga – raga’

mata – mata’

dua – dua’

gaga – gaga’

Hiponim

Hiponim iya nya leka jaku ti ulih mungkur sesebengkah raban reti leka jaku ke bukai.

Chunto iya, leka jaku ikan. Hiponim ikan baka tilapia, patin, baung, enseluai, semah, juak, banta, buing, empurau enggau tapah.

Chunto kedua, leka jaku burung iya nya pipit, kenyalang, ketupung, beragai, papau, embuas enggau nendak.

Polisem

Polisem iya nya sebansa leka jaku ti ngembuan lebih ari siti reti.

Polisem mega iya nya kaul entara leka jaku enggau frasa ke ngembuan dua reti tauka lebih lalu ngembuan etimologi ti sama.

(a) Kala

Reti keterubah - madahka jam tauka maya

Reti kedua - indu utai ti tau nyengat

(b) Betu

Reti keterubah - meretul laban kelalu angat

Reti kedua - mayuh peneleba sereta landik gawa

Meronim

Meronim iya nya leka jaku ti mandangka sebagi ari pekara.

Chunto iya leka jaku entukar, stereng, injin, karburetor, kusyen, cheremin nya sebagi ari pekara ti nyadi meronim ngagai entukar.

Chunto ke bukai iya nya baka jari, kaki, pala, untak, pending, mulut, idung nya meronim  ngagai mensia.

chara nginjau jaku English, nyengkaum chara nulis konsonan turu ba ujung leka jaku English lebuh ti diinjau ke dalam jaku Iban.

• Jaku English nya sebengkah jaku bansa bukai ti chakah diinjau ke dalam jaku Iban dalam semua bidang pelajar berindik ari jaku tu udah entap dikena sereta ngerembai serata dunya ti ngujungka iya diaku nyadi jaku antarabansa. Proses nginjau jaku English endang diatur enggau cheremat ngambika iya entap lalu nadai menyati jaku Iban empu. Gaya jaku injau ari jaku English ti dikemisika dalam jaku Iban tau dibagi ngagai beberapa kategori.

Cara Nginjau

i.              Injau terus

Sama baka atur ti nginjau terus jaku Melayu, leka jaku ti diinjau diterima enggau silik ari jaku asal.  Reti nya ia nadai berubah ari segi sepil enggau reti  taja pan disebut nitih ke kaul dilah Iban.

•       Chunto:

Standard             bank             hotel               bonus            mark

Chairman            speaker        meter              genre            pin

ii.             Injau salin

Dalam proses nginjau ti bansa tu, leka jaku ti diinjau disalin lalu dibali ngagai jaku Iban. Taja pia, reti enggau konsep leka jaku nya agi mengkang sama enggau jaku asal.

Chunto

honey moon	bulan madu
night market	pasar malam
five foot way	kaki lima

iii.            Injau Pengasai

Dalam kategori jaku injau ti bansa tu, leka jaku ti diinjau diserasi lalu disepil nitih ke pengentap sistem sepil jaku iban ti udah ditetapka. Sekeda urup dalam leka jaku ti diinjau berubah nitih ke penemban urup lebuh disebut tauka disepil dalam jaku Iban.

Chunto:

bomb	bom	tingkil konsonan sengian b
computer	komputer	c berubah nyadi k nitihka sebut (konsonan)
dobby	dobi	konsonan berimbai  bb betukar nyadi siti b
system	sistem	y betukar nyadi i nitihka sebut (vokal)
telephone	telefon	phone nyadi fon nitihka patah sebut
prism	prisma	ism nyadi isma nitihka penemban sebut

iv.           Injau serap

Leka jaku ti diinjau endang udah entap sereta masai dikena dalam jaku Iban. Semua leka jaku ti diinjau serap enda nyengala menatika gaya tukuh visual asal. Sepil iya ditulisketebal agi nitihka munyi ti disebut ngena kaul dilah Iban .

Chunto:

Jaku English	Jaku Iban
apple	ipul
ball	bol
bicycle	ensikal / basikal
boarding	buding
bureau	biro
bottle	butul
cancel	kinsil
driver	deriba
doctor	lutur / doktor
fashion	pisin

chara nulis konsonan turu ba ujung leka jaku English lebuh ti diinjau ke dalam jaku Iban

jaku English                                                                       jaku Iban

-ck-pack                                                                            k-pek

-ss-congress                                                                     s-kongres

–   Terangka sepil fonemik, sepil etimologi, sepil transliterasyen enggau sepil transkripsyen. Beri chunto ke seriran.

Reti sepil fonemik

–   Fonemik iya nya sebut nitihka disepil, sepil nitihka disebut lalu nadai urup sengian.

–   Fonemik mega nyadi pugu ngagai patah sebut ke standard.

Chunto sepil fonemik

–   Chunto leka jaku : President – presiden

                                              : Bomb – Bom

–   Urup “t” enggau “b” deka ditingkilka laban nadai mai munyi lebuh disebut ngena intonasyen jaku Iban

–   Kebendar iya, sistem sepil fonemik tu nadai ngena urup sengian lebuh disebut.

Reti Sepil Etimologi

–   Pansik ke bkaul enggau penatai sejarah siti-siti leka jaku enggau reti leka jaku nya.

Sepil Etimologi

–   Sepil etimologi tauka asal.

–   Leka jaku ke sama chara nyebut enggau sama sepil deka dibidaka ngena chara ngetanka sekeda chara nyepil asal.

–   Cth : leka jaku

-“masa”- meri basa

-“Massa”- media massa/kereban chelak.

Reti sepil transliterasyen

–   Transliterasyen iya nya ngalihka urup asal ngagai urup ke baru tauka urup kebukai.

–   Ambika chunto, dalam jaku Arab.

Sepil Transliterasyen

–   Sepil transliterasyen tauka salin urup nitihka atur ISO urup Arab (atur ISO-R233) tauka atur ISO-R315 urup Yunani.

–   Chunto : Transliterasyen Arab : bismillahirrahmanirrahim

Sepil Transkripsyen

–   Terminologi ke enda disalin reti iya deka disepil  ngena chara transkripsyen.

–   Chunto : Police - Polis